Ingvild Sjo

I ei tid med espresso, latte, cappuccino og biscotti kan det vera på sin plass å sjå litt på kva me har av tradisjonar innan kaffimat her hos oss. Dette var tanken då me byrja å arbeide med denne boka. I leitinga etter den lokale kaffimaten enda me opp i bedehus og foreiningar, og oppdaga at her lever tradisjonen framleis, først og fremst teken hand om av driftige damer med stort hjarte for både Jesus og gode kaker. Boka innheld ei salig blanding av eldre tradisjonsbakst og nokre nyare oppskrifter på god kaffimat. Vel bekomme!

Dette er andre boka om den unge bakaren Peder, og I denne boka bakar han så harde bollar at tennene knekk når folk bit i dei. Det kunne vorte katastrofe, men heldigvis har bakaren gode vener som hjelper til.Peder Bakar og den knallharde deigen er ei bok som høver for barn i alle aldrar som likar bollar.

I denne boka får du lesa om den unge bakaren Peder som lagar så gode bollar at det vert eit problem. Heldigvis har han gode vener som hjelper til. Peder Bakar får seg bollemaskin er ei bok som høver for barn i alle aldrar som likar bollar.

Gud var i godlage då han skapte Sunnhordland, fastslo Ivar Eskeland. Eit mykje nytta sitat til bruk for oss som er glade i nettopp Sunnhordland. Som tåler ei ferjereise, sjølv om det vert færre av dei. Som tåler å vera stolte av regionen me bur i, med sitt mangfald av næringsliv, sitt rike kulturliv, sine festivalar og sitt friluftsliv. 31. mai 2013 la fire sunnhordlendingar ut på ei reise. Med opplada mobil, nykvessa blyant, notatbok og fotoapperat reiste dei rundt i dei åtte kommunane som enno utgjer Sunnhordland. Dei kunne valt heilt annleis den 31. mai 2013. Målet var like mange stopp i kvar av dei åtte kommunane i regionen. Ulike som dei er. Like fullt med mange felles trekk. Dette er historia om 31. mai 2013, om noko av det som hendte dette døgnet, om verksemder dei vitja og folk dei møtte. Mangfaldige Sunnhordland. Her er så mykje å velja i.