Kathrine Gregersen

I denne boka finn du dei beste oppskriftene til dei populære strikkeplagga frå Nøstebarn. Her er mjuke strikkeklede til babyen, varme genserar til dei litt større barna og florlette sjal og lune jakker for vaksne. I tillegg finn du småplagg som sokkar, luer og babyteppe, og dessutan ei rekkje tips til anna tilbehør og dekor. Alle oppskriftene baserer seg på ubehandla ullgarn. Ull er det beste materialet både til kaldt og varmt vêr, det pustar og absorberer fuktigheit. Oppskriftene i boka er enkle å følgje, og plagga er raske å strikke. Bilda i boka gir inspirasjon til å gå i gang med lekre ullplagg for store og små, i ulike fargevariasjonar. Og det er ingen ting i vegen for at du kan utvikle oppskriftene vidare med eigen fantasi og kreativitet!

Boka Strikk til nøstebarn av Kathrine Gregersen kom i 2007 og vart ein formidabel suksess. No kjem oppfølgjaren .! Kathrine Gregersen har utvikla nye oppskrifter og laga boka Strikk meir til nøstebarn. Ingen av oppskriftene er publiserte tidlegare. Plagga er også denne gongen prega av begeistringa for det enkle og praktiske. Gregersen likar fine og gode bruksplagg som er enkle og artige å strikke. Denne boka inneheld flest oppskrifter til barn og fleire til vaksne enn den første boka, men også gode babyoppskrifter. Dei fleste oppskriftene er lette å strikke, men på nokre er det litt meir å bryne seg på. Garnet er det same gode: merinoull, silkeull og angoraull frå Nøstebarn. Nøstebarn brukar rein ull som ikkje er kjemisk behandla. Det gjer det trygt både for miljøet og for oss som skal strikke og bruka plagget. Garnet er godt å strikke av og det er eit vell av fine fargar å velje i. Bla i boka

Forfattaren av suksessboka Strikk til nøstebarn deler nok ein gong av sitt kreative overskot. Denne gongen har ho laga ei bok full av idear, oppskrifter og tips til gjenbruk. Kva kan ein lage sjølv av brukte materialar, korleis kan ein bruke ting på nye måtar, og korleis får ein ting til å vare litt lenger? Her finn du oppskrifter til klede, vesker, teppe, leiker og mykje meir. Boka er ei hjelp for dei som vil tenkje nytt i forhold til forbruk. Med denne boka blir det litt lettare å vere miljøbevisst. "Enkle forklaringer, friske ideer, ikke for kompliserte prosjekter. Mange gode grunner til at boka kan hentes fram mer enn en regnværsdag." Elisiv Hauge Nilsen, Haugesunds Avis. Boka flyttar fokus frå forbruk til gjenbruk. Her finn du oppskrifter på korleis du kan lage nytt av brukte ting, og gjere nytte av unyttige restar. Boka er inndelt etter materialtype. Har et eige kapittel om lapping og stopping av klede. Har ordforklaring og mønsterark.